傳統絕育同側腹絕育手術有咩分別？
一般貓女絕育手術係會摘除子宮同卵巢，所以需要打開腹腔。
傳統「腹中開口」，會喺貓貓腹部下方切口，如果手術期間出現嚴重出血，會好容易就搵到出血位置。即使貓貓出現子宮含膿都適合進行手術。但由於腹部係受力位置，經常接觸到地面，傷口會令貓貓容易不適、出現腫脹同發炎。
而側腹絕育就係另一個可以選擇嘅方法，雖然子宮含膿唔適合進行側腹絕育，但由於側腹唔係受力位置，唔會經常同地面接觸，所以腫脹同發炎機會就會較細，傷口更易於主人觀察。然而，側腹唔好嘅地方係剃毛位置比較顯眼，唔太美觀。此外，有啲貓品種，如重點色貓貓（暹羅、布偶貓），因為剃毛位置會變黑，所以亦唔適合做側腹絕育。
傳統絕育：
較安全；如進行手術期間嚴重出血，較容易尋找出血位置
適合度較廣；如子宮含膿都適合進行手術
癒合情況較差；因腹部是受力位置加上常與地面接觸，傷口容易令貓貓不適
側腹絕育：
癒合情況較好；側腹非受力位置，不常與地面接觸，傷口不易引起不適而腫脹及發炎
傷口易於觀察
適合度較窄；如子宮含膿不適合進行手術、重點色貓貓（暹羅、布偶）亦不適合 進行手術因剷毛位置會變黑
知多一點點
手術前醫生會喺貓仔蛋蛋局部麻醉以將痛楚減至最低
貓女發情期間都可以進行絕育手術
貓女每次發情都會增加罹患乳癌嘅風險所以應該盡早絕育、減低患病機率
立即預約/查詢 26880013
直接WhatsApp我哋喇！
https://wa.me/message/UCVFLLNGC2FTP1